YouTube-da geniş miqyaslı nasazlıq baş verdi

YouTube və Google-un işində geniş miqyaslı nasazlıq baş verdi. Hamıya məlum olan video hostinqi YouTube, elektron poçt və digər Google xidmətlərinin işində geniş miqyaslı nasazlıq yarandı. Downdetector bu barədə bazar ertəsi, 14 dekabr tarixində məlumat verdi. Xidmətdən istifadə problemi ilə Rusiya və bir çox Avropa ölkələrinin sakinləri üzləşdi. Təxminən Moskva vaxtı ilə 14:30-da Google və YouTube-a girişdə nasazlıqlar başladı. Problem barədə məlumatlar dərhal daxil olmağa başladı, istifadəçilərin 70%-dən çoxu saytlara daxil ola bilmədi. Qalanları avtorizasiya və hər hansı məlumatın axtarışı ilə bağlı problemlər bildirdi. Bir çoxları Google poçtuna mesajların alınmasında çətinliklərdən şikayətləndi. YouTube və Google-un işində fasilələr bütün dünyada müşahidə olundu. Son məlumatlara görə, nasazlıqlar Rusiya, ABŞ, Almaniya, Böyük Britaniya, Kanada, Meksika, İtaliya və s. ölkələrdə qeydə alındı. Rusiyada əsas şikayətlər Moskva və Sankt-Peterburqdan daxil olurdu. İş qabiliyyətinin bərpası təxminən bir saat çəkdi. Hazırda xidmətlərə girişdə heç bir problem müşahidə olunmur. Məşhur video hostinqi YouTube və digər Google xidmətlərinin işində bu cür nasazlıqlar olduqca nadir hallarda baş verir, əsasən şirkət bütün problemləri qısa müddətdə həll edir, bu gün də belə oldu.